पूर्वअमेरिकी राष्ट्रपति ट्रम्पकाे दाेश्राे पटक पनि हत्या गर्ने प्रयास असफल

प्रकाशित मिति: ३१ भाद्र २०८१, सोमबार ०७:३०


एजेन्सी, भाद्र ३१ ।
पूर्वअमेरिकी राष्ट्रपति तथा आगामी राष्ट्रपतिका उम्मेदवार डोनाल्ड ट्रम्पको हत्या गर्ने अर्को प्रयास विफल भएको छ ।

पेन्सिलभेनियाको र्‍यालीमा एक बन्दुकधारीले ट्रम्पको हत्या गर्ने प्रयास गरेको करिब दुई महिनापछि अर्को घटना भएको हो । त्यतिबेला उनको कानमा मात्र चोट लागेको थियो ।

फ्लोरिडा गोल्फ कोर्समा भएको यो पछिल्लो हत्या प्रयासपछि ट्रम्प सुरक्षित रहेको बताइएको छ । अमेरिकी अधिकारीहरूकाअनुसार सिक्रेट सर्भिस एजेन्टहरूले झाडीहरूबाट राइफलको ब्यारेल देखेपछि संदिग्धमाथि गोली हानेका थिए ।

एफबीआईकाअनुसार ट्रम्प त्यतिबेला २७५ देखि ४५५ मिटर टाढाकाे दूरीमा रहेका थिए । घटनास्थलमा एक एके ४७ शैलीको बन्दुक र स्कोप, दुई ब्याक प्याक र गोप्रो क्यामेरासमेत फेला परेको जनाइएकाे छ ।


प्रतिक्रिया

ताजा खबर

More