काठमाडौं, असोज २ ।
गत शनिबार मात्र ‘पाँचौँ मिस्टर काठमाडौं शारीरिक सुगठन प्रतियोगिता’मा स्वर्ण पदक जितेका शारीरिक सुगठन खेलाडी प्रकाश राईको आज बुधबार निधन भएको छ । उनको हृदयघातका कारण निधन भएको हो ।

आज बिहान स्वास्थ्यमा समस्या देखिएपछि उनलाई तत्काल ग्राण्डी अस्पताल लगिएको थियो । तर, उपचारको क्रममा ४५ वर्षीय राईको निधन भएको थियो ।

राईले मिस्टर काठमाडौं प्रतियोगितामा ७५ केजीभन्दा माथिको तौल समूहमा स्वर्ण पदक जितेका थिए । उनी फोनिक्स फिट्शालाका खेलाडीसमेत थिए ।