काठमाडाैं, असाेज १२ ।
राजधानी काठमाडाैंको नागढुङ्गादेखि मुनि झ्याप्लेखोलामा पहिरोमा पुरिएका २ वटा बसबाट १४ जनाको शव निकालिएको छ ।

आज शनिबार बिहान पहिरो जाँदा धादिङ जिल्लाको झ्याप्ले खोलामा माइक्रो बसहरू पुरिएका थिए । त्यस क्रममा लु. १ ज ४५७८ नम्बरको माइक्रो बसबाट ५ वटा शव निकालिएको छ ।

यसैगरी, नम्बर नखुलेको अर्को बसबाट ९ जनाको शव निकालिएको जिल्ला प्रहरी परिसर काठमाडाैंका प्रवक्ता एसपी नवराज अधिकारीले जानकारी दिए । ती बसहरू शनिबार साँझ एक्साभेटरको सहायताले निकालिएको थियो ।

पहिरोमा अरू बसहरू पनि पुरिएको आशंकामा प्रहरीले खोजी कार्यलाई जारी राखिएकाे छ ।