काठमाडाैं, असाेज १४ ।
नुवाकोटमा आज सोमबार दिउँसो हायस माइक्रो बस दुर्घटनामा परेकाे छ । ग. १ ख ४५३५ नम्बरको हायस दुर्घटनामा परेकाे प्रहरीले जनाएको छ ।

दुर्घटनामा परेका ११ जनाको उद्धार गरिएको जिल्ला प्रहरी कार्यालय नुवाकोटका सूचना अधिकारी एवं डीएसपी तिलक भारतीले जानकारी दिएका छन् ।

“११ जनाको उद्धार गरेर काठमाडौं पठाइएको छ,” उनले भने, “उद्धार कार्य अझै पनि जारी नै छ।”

हायस सडकदेखि करिब १०० मिटर तल खसेको उनले बताए ।

शिवपुरी गाउँपालिकाअन्तर्गत टोखा-छहरे सडकखण्डमा पर्ने अदुवाबारी भन्ने स्थानमा हायस दुर्घटना भएको उनले जानकारी दिएका छन् ।