एजेन्सी, कार्तिक १९ ।
भारतस्थित उत्तराखण्डको अल्मोडामा करिब ४० यात्रुले भरिएको बस गहिरो खाडलमा खसेर दुर्घटना भएको छ ।

भारतीय सञ्चारमाध्यमकाअनुसार गढवाल-रामनगर मार्गको साल्टनजिक भएको दुर्घटनामा हालसम्म २० जनाको मृत्यु भइसकेको छ ।

मृत्यु हुनेको संख्या अझै बढ्न सक्ने जनाएको छ । सडीआरएफ र प्रहरी टोली घटनास्थलमा उद्धारमा जुटेका छन् ।

जानकारीअनुसार आज सोमबार बिहान गौरीखालबाट रामनगरका लागि बस छुटेको थियो । बसमा ४० भन्दा बढी यात्रु सवार रहेका थिए ।

साल्ट कुपनजिकै चालकले बसको नियन्त्रण गुमाएका थिए । केही बेरमै बस गहिरो खाल्डोमा खस्यो । बस खसेलगत्तै यात्रुबीच चिच्याहट मच्चिएको थियो ।