काठमाडाैं, कार्तिक १९ ।
काठमाडौं उपत्यकामा आज साेमबार बिहानैदेखि परेको वर्षाले जनजीवनसँगै हवाई उडानसमेत प्रभावित बनेको छ ।

भिजिबिलिटी कमजोर हुँदा काठमाडौंबाट तराई क्षेत्रका विमानस्थलमा उडान नियमित भइरहे तापनि दुर्गम क्षेत्रका अधिकांश उडान भने हुन सकेको छैन ।

अन्तर्राष्ट्रिय विमानस्थलबाट हुने आन्तरिक उडान सामान्य प्रभावित रहे पनि अन्तर्राष्ट्रिय उडान सामान्य रूपमा सञ्चालन भइरहेको छ ।

देशका पहाडी भू-भागका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ । वर्षाका कारण जनजीवन प्रभावित हुनुका साथै मौसम सफा नहुँदा आन्तरिक उडानसमेत प्रभावित बनेको छ ।

वर्षासँगै चिसाे हावासमेत चलेकाे छ भने पछिल्लाे समयमा आएर जाडाेकाे महशुससमेत गर्न थालेकाे छ ।