काठमाडाैं, कार्तिक २० ।
नेपाली कांग्रेसको कीर्तिपुर नगर समितिले मंसिर १६ गते हुने स्थानीय तहको उपनिर्वाचनका लागि आकांक्षी ११ जनाको नाम क्षेत्रीय समितिमा सिफारिस गरेको छ ।

नगर समिति सभापति कृष्णमान डंगोललाई पहिलो नम्बरमा राखेर नाम पठाइएको छ । दोश्राे नम्बरमा बद्रिलाल महर्जन, तेश्राे नम्बरमा हिमाल कार्की, चौथोमा जमुना नकर्मी, पाँचौँ नम्बरमा संगित बोगटीको नाम पठाइएको छ ।

थप सिफारिस भएकामा सशिर महर्जन, राममान सिंह, जनकलाल महर्जन, मीनप्रकाश महर्जन, किरण केसी र सचिन्द्र महर्जनको नाम पठाइएको छ । जमुना निधन भएका नगरका पूर्वप्रमुख राजकुमार नकर्मी पत्नी हुन् । पेशाले अधिवक्ता जमुना राजनीतिमा कम क्रियाशील छिन् ।

कांग्रेसको विधानअनुसार नगर प्रमुखको उम्मेदवार छनोट गर्ने अधिकार प्रदेश समितिलाई दिएकाे छ ।