काठमाडाैं, कार्तिक २५ ।
कालिकोटको पलाँता गाउँपालिकामा आज आइतबार दिउँसो बोरेलो जिप दुर्घटनामा परेको छ ।

दुर्घटनामा ११ जनाको घटनास्थलमै मृत्यु भएको स्थानीयलाई उदृत गर्दै प्रमुख जिल्ला अधिकारी नारायणप्रसाद भट्टराईले जानकारी दिएका छन् ।

मृतकको नाम र पहिचान भने खुलेको छैन । घटनास्थलतर्फ प्रहरी, सेनाको टोली गएको छ ।

दुर्घटनामा ९ जना घाइते भएको प्रजिअ भट्टराईले जानकारी दिए । घाइतेको उद्दारका लागि गृह मन्त्रालयसँग हेलिकोप्टर माग गरिएको छ ।