काठमाडाैं, कार्तिक २८ ।
झाक्री प्रकाश भुजेल सवार गाडी ल्याण्ड क्रुजरले मोटरसाइकललाई ठक्कर दिँदा दुई जना घाइते भएका छन् । बा. १९ च २६९५ नम्बरको भुजेलेको गाडीले ब्रम्हखेल पुलनजिक मोटरसाइकललाई आज बुधबार दिउँसो ठक्कर दिँदा मोटरसाइकलमा सवार रहेका दुई जना घाइते भएको बौद्ध प्रहरीले जनाएको छ ।

घाइतेहरूलाई उपचारका लागि शंकरापुर अस्पताल पठाए तापनि उनीहरूको पहिचान खुली नसकेको प्रहरीले जनाएको छ । ‘चालक फरार भएको अवस्था छ, थप अनुसन्धान भइरहेको छ’, जिल्ला प्रहरी परिसर काठमाडौंका एक प्रहरी अधिकृतले जानकारी दिएका छन् ।