काठमाडाैं, मंसिर ४ ।
मेडिकल व्यावसायी दुर्गा प्रसाईं पुनः आज मंगलबार आफ्नै निवास भक्तपुरबाट पक्राउ परेका छन् ।

उनलाई प्रहरीले भक्तपुरस्थित निवासबाट पक्राउ गरेको हो । केन्द्रीय अनुसन्धान ब्यूराे सीआईबी प्रमुख दीपक थापाले उनलाई कानूनी दायरामा ल्याइएको पुष्टि गरेका हुन् ।

‘भर्खरै पक्राउ गरेर ब्यूरोतर्फ ल्याउँदैछौँ । त्यसपछि थप अनुसन्धान गर्छौं,’ उनले भने, ‘सामाजिक सञ्जालमार्फत् अफवाह फैलाउनेहरूमाथि हाम्रो सधैँ निगरानी रहन्छ । त्यही क्रममा प्रारम्भिक अध्ययन गरेर नियन्त्रणमा लिएका हौँ ।’

उनीमाथि प्रधानमन्त्री एवं एमाले अध्यक्ष केपी शर्मा ओली लगायतविरुद्ध भ्रामक प्रचार गरेको गम्भीर आरोपसमेत लागेकाे छ ।