काठमाडाैं, मंसिर ४ ।
प्रहरीले मेडिकल व्यावसायी दुर्गा प्रसाईंको घरबाट ३ वटा ल्यापटप र ९ वटा मोबाइल पनि बरामद गरेको छ ।

आज मंगलबार पक्राउ परेका प्रसाईंको घरमा खनतलासी गरेर प्रहरीले ३ वटा ल्यापटप र ९ वटा मोबाइल बरामद गरिएको सीआईबीका एसपी होविन्द्र बोगटीले जानकारी दिएका छन् ।

बरामद ल्यापटप र मोबाइललाई जाँचका लागि डिजिटल फरेन्सिक ल्याब (डीएफएल) मा पठाउने तयारीमा रहेकाे छ । प्रसाईंले सोमबार प्रधानमन्त्री केपी शर्मा ओलीको कम्बोडियाको टेलिकम एक्जिएटा (प्रा.) लि.मा लगानी गरेको दाबी गरेका थिए । साेही क्रममा उनले प्रमाण भन्दै केही कागज पत्रसमेत सार्वजनिक गरेका थिए ।