काठमाडाैं, मंसिर ५ ।
नेपालकी विभा बस्नेतले ‘मिसेस हेरिटेज इन्टरेनशनल’को ताज पहिरन सफल भएकी छन् । थाईल्याण्डको राजधानी बैंककमा आयोजित अन्तर्राष्ट्रिय सौन्दर्य प्रतियोगीता ‘हेरिटेज प्याजेन्ट’मा उनले ‘मिसेस हेरिटेज इन्टरेनशनल’को शीर्ष उपाधी जित्न सफल भएकी थिइन् ।

मिस तर्फको शीर्ष उपाधी भने पेरुकी फेयरस ओर रुम्बो एलले हात पारिन् । दुबै शीर्ष बिजेताले पर्सनालिटी विद्याको अवार्डसमेत हात पार्न सफल रहे ।

सौन्दर्य प्रतियोगितामार्फत् मौलिक कला, संस्कृति, जातीयता, आफ्नोपनको संरक्षण, प्रबर्द्धन गर्ने उद्देश्यले आयोजना हुँदै आएको प्रतियोगिताको याे सातौँ संस्करण हो ।

ईप्लानेट पिटिई लिमिटेड सिंगापुरको आयोजना रहेको प्रतियोगिताको संयोजन र व्यवस्थापन सिंगापुरका सुसन कोहले सह-समन्वय दुर्गा बिशुरालद्वारा गरिएको थियो । स्टेज प्रस्तुतिकरण र कोरियोग्राफी नेपाल फेशन कोरियोग्राफर रोजिन शाक्य र मलेशियाका स्टेज एवं डान्स कोरियोग्राफर वेस्ली शले संयुक्त रूपमा सम्लाहेको आयोजक संस्थाका अध्यक्ष सन्तोष सापकोटाले जानकारी दिएका छन् ।

‘हेरिटेज प्याजेन्टस्-२०२४’ मा यो पटक नेपाल, भारत, थाईल्याण्ड, बेलायत, नाइजेरिया, भियतनाम, फिलिपिन्स, पेरु, सिंगापुर, म्यानमार, न्युजिल्याण्ड, मेक्सिको, इण्डाेनेशिया, लाट्भिया, सर्बिया, केन्या तथा मलेशियाका प्रतिनिधिहरूको समेत सहभागिता रहेको थियो ।