काठमाडाैं, मंसिर ९ ।
साइबर अपराधको कसुरमा पक्राउ परेका मेडिकल व्यावसायी दुर्गा प्रसाईं अस्पताल भर्ना भएका छन् ।

उनी आज आइतबार साँझ वीर अस्पताल भर्ना भएको नेपाल प्रहरीको केन्द्रीय अनुसन्धान ब्‍यूरो श्राेतले जानकारी दिएको छ ।

गत मंसिर ५ गते आफ्नै निवास भक्तपुरबाट पक्राउ परेका प्रसाईंलाई आज म्याद थपका लागि अदालत लगिएको थियो । सोही क्रममा उनले न्यायाधीश समक्ष आफू क्यान्सरको बिरामी भएको र उपचार गर्नुपर्ने माग राखेका थिए ।

उनको मागअनुसार जिल्ला अदालत काठमाडौंकी न्यायाधीश कमला पौडेलले प्रसाईंको उपचार गर्न भन्‍दै प्रहरीलाई ध्यानाकर्षण गरेकी थिइन् ।

अदालतले आइतबार उनलाई थप ५ दिन हिरासतमा राखेर अनुसन्धान गर्न अनुमतिसमेत दिएको छ । अदालतले ५ मंसिरमा पक्राउ परेकै दिन उनलाई प्रधानमन्त्री ओलीविरुद्ध अफवाह फैलाएको आरोपमा अनुसन्धान गर्न ५ दिन हिरासतमा राख्न अनुमति दिएको थियो । प्रहरीले प्रसाईंले विद्युतीय अपराध नियन्त्रण ऐन, २०६३ विपरीतको कसुर गरेको भन्दै उनलाई पक्राउ गरेको थियो ।

उनीमाथि छानबिन प्रक्रिया पनि अगाडि बढिरहेकाे प्रहरीले जनाएकाे छ ।