ताप्लेजुङ, जेठ १३ ।
ताप्लेजुङको सिरीजंघा गाउँपालिका–७ सुरुम्खिम बस्ने एक दम्पत्तिलाई स्थानीय सिवा खोलाले बगाउँदा श्रीमान्को मृत्यु भएको छ भने श्रीमती बेपत्ता भएकी छिन् ।

किराना पसल सञ्चालन गर्दै आएका २२ बर्षिय गोपाल तामाङ र २१ बर्षिय रिना तामाङ पसलको सामान लिएर खाम्दिनेबाट घरतर्फ फर्कदै गर्दा खोला तर्ने क्रममा खोलाले बगाएको जिल्ला प्रहरी कार्यालय ताप्लेजुङले जनाएको छ ।

खोलाले बगाएका मध्ये श्रीमान् गोपाल झन्डै एक किलोमिटर पर मृत अवस्थामा फेला परेको छ र श्रीमती रिना बेपत्ता भएकी छिन् । शुक्रवार त्यस क्षेत्रमा निकै ठूलो बर्षा भएकाले खोलामा पानीको सतह बढको थियो ।