नेपालगन्ज, जेठ १४ ।
नेपालगन्जको धम्बोजी चोक नजिक रहेको एक फर्निचर पसल (श्रेया इन्टरप्राइजेज)मा आज बिहान भीषण आगलागी भएको छ ।
नेपालगन्ज र कोहलपुरका दमकल, प्रहरी, सशस्त्र प्रहरी, नेपाली सेना र स्थानीयवासीको सहयोगमा आगो नियन्त्रणमा लिइएको जिल्ला प्रहरी कार्यालयले जनाएको छ ।

उक्त पसलमा रहेकोे गलैँचा, फर्निचरलगायत अन्य सामानहरू नष्ट भएको र आगलागीबाट आसपासका होटल तथा अन्य पसललाई समेत क्षति पु¥याइएको छ । नजिकै रहको होटलमा मान्छे रहेको आशङ्कामा प्रहरी उद्धारमा जाँदा एक प्रहरी घाइते भएका छन् ।

घाइते भएका प्रहरीेको नेपालगन्जस्थित अस्पतालमा उपचार भइरहेको जनाएको छ । आगो विद्युत् सर्ट भएर लागेको आशङ्का गरिएको छ भने क्षतिको विवरण आउन बाँकी रहेको छ ।