काठमाडौं, जेठ १४ ।
बलिउडका अभिनेता रितिक रोशन र सुजैन खानबीच केही वर्ष अघि मात्र डिभोर्स भएको खबरले व्यापक चर्चा पाएको थियो । डिभोर्सपछि दुबै जना आ–आफ्नो जीवनमा व्यस्त भएका उनीहरू अलग भएपछि उनीहरूलाई भन्दा उनीहरूको बच्चाहरूलाई सिधैँ नकारात्मक असर गरेको छ ।

भारतीय खबरअनुसार आफ्नो छोराहरूका लागि रितिक र सुजैन पुनः एक पटक बिहे गर्न चाहन्छन् । सन् २०१३ सालदेखि रितिक र सुजैन अलग–अलग बस्दै आएका थिए भने २०१४ सालमा डिभोर्स गरेका हुन् ।

श्रोतकाअनुसार उनीहरूको डिभोर्सका कारण बच्चाहरूलाई नकारात्मक असर परिरहेको जनाएको छ । दुई जना छोराहरू रिहान र रिदान आमा बुबाको डिभोर्सले गर्दा धेरै तनावमा रहेका कारण पढाईमा पनि असर भइरहेको जनाएका छन् ।

आमा बुबासँगै सधैँ बस्न नपाएका कारण सधैँ उदास रहने गरेकोसमेत भारतीय मिडियाले जनाएको छ ।

त्यही कारणले गर्दा सुजैन र घर–परिवारहरूले रितिकलाई पुनः विवाह गर्न प्रेसर दिइरहेका कारण छिट्टै रितिक र सुजैन पुनः एक पटक विवाह गर्न सक्ने सम्भावना देखिएको छ ।

रितिक र सुजैनले ७ मेका दिन एक साथ फिल्म ‘बाहुबली–२’ हेरेका थिए । उनीहरूलाई हलबाट बाहिर मिडियाहरूले क्याप्चर गरेका थिए । र, दुबै जना एउटै कारमा बसेर घरतर्फ लागेका थिए ।