काठमाडाैं, जेठ २ ।
सुनको नक्कली मूर्ति देखाएर एक जनाले करिब २२ लाख ठगी गरेका छन् । भगवान गाैतम बुद्धको मूर्ति देखाएर ठगेको अभियाेगमा प्रहरीले संखुवासभाको धर्मदेवी नगरपालिका-३ घर भएका काशीनाथ पौडेललाई पक्राउ गरेको छ ।

उनले दुई जनाबाट २१ लाख ८५ हजार रुपैयाँ ठगेको अनुसन्धानबाट थाहा भएको उपत्यका अपराध अनुसन्धान कार्यालयका एसपी काजीकुमार आचार्यले जानकारी दिएका छन् ।

सुनको मूर्ति सस्तोमा दिन्छु भनेर आरोपीले भक्तपुर बस्दै आएका ३९ वर्षीय प्रेम कुमार विकसँग १० लाख र न्यूरोड बस्ने राजकुमार विकसँग ११ लाख ८५ हजार ठगी गरेका हुन् ।

साे घटना सम्बन्धमा प्रहरीले थप अनुसन्धान अगाडि बढाइएकाे जनाएकाे छ ।