धादिङ, जेठ १५ ।
धादिङ बेंसीको सल्यानटार सडकखण्डअन्तर्गत नीलकण्ड नगरपालिका–११ भकारेमा हिजो साँझ बस दुर्घटना हुँदा पाँच जनाको मृत्यु भएको छ भने २० जना यात्रु घाइते भएका छन् ।

गोलाभञ्ज्याङबाट खहरेतर्फ जाँदै गरेको ग१ख ३८०५ नम्बरको बस दुर्घटना भएको हो । बस सडकबाट करिब २०० मिटर तल खसेकोे छ भने बस रहेका पाँच जना महिलाको ज्यान गएको जनाएको छ ।

घाइतेहरूको धादिङ जिल्ला अस्पतालमा उपचार भइरहेको छ । नियमित रूटमा चल्ने बस बिग्रेपछि त्रिपुरेश्वरको एक बोर्डिङ स्कुलको बसले यात्रु बोकेर जाँदा दुर्घटनामा परेको जनाएको छ ।