काठमाडौं, जेठ १९ ।
नेपाली कथानक चलचित्र ‘नकाब’को ‘फेसबुकमा लेखूँ कि टुइटरमा लेखूँ’ गीत सार्वजनिक भएको छ । जय मातृभूमी सिनेमा एण्ड क्रियसन प्रा. लि को प्रस्तुति रहेको उक्त गीत मिलन अमात्य र दिपक लिम्बुको युगल स्वर रहेको छ ।

कवि, गीतकार, गायक एवं साहित्यकार सुरेन्द्र महर्जन “अमर” को रचना रहेको र संगीतकार राज कुमारको मीठो संगीतले सजिएको छ । चलचित्र ‘नकाब’को यो दोश्रो गीत हो । यो भन्दा अघि ‘नकाब’ चलचित्र कै गीत ‘चाटिङ्गमा आउ राति’ शब्द रहेको गीतमा गायक सुर्य कमल राईको स्वर रहेको गीत सार्वजनिक भैसकेको छ ।

निता ढुंगाना, सबिन श्रेष्ठ, सुनिल कटुवाल, दिनेश जंग, अदिती श्रेष्ठ, निजल लामा, कृष्ण भट्टराई, रोशन कुमार, आदि कलाकारहरू रहेको चलचित्रको निर्देशन रोशन कुमारले गरेको हो ।

हाल रिलिकर भिडियोमा सार्वजनिक भएको यस गीतलाई कसैले पनि कभर भिडियो बनाउन सक्ने र भिडियो राम्रो भएको खण्डमा पुरस्कृत गर्ने र यसरी भिडियो बनाउने एक जोडीलाई चलचित्रमा खेलाउने जानकारी चलचित्र निर्देशक रोशन कुमारले जानकारी दिएका छन् ।

अहिलेसम्म नेपालमा यसरी कभर भिडियो बनाउनेलाई सम्मान गर्ने यो नै पहिलो चलचित्र भएको पनि निर्देशकले बताए । निर्देशकले भने, ‘धेरै भन्दा धेरै गीतहरूको कभर भिडियो आफ्नो लगानीमा तयार गर्नेहरूको सम्मान नहुँदा आफूले यस्तो निर्णय लिएको हो ।’

https://www.youtube.com/watch?v=tSXkeAR31UQ