काठमाडौं, जेठ २७ ।
नेपालकी १० वर्षीया विशेषता बुढाथोकीले टर्कीको बोड्रममा आयोजित बालबालिकाहरूको सौन्दर्य प्रतियोगितामा लिटिल मिस प्लानेट तथा लिटिल मिस ट्यालेन्टको उपाधी हात पार्न सफल भएकी छन् ।

उनले लिटिल मिस एण्ड मास्टर वल्र्ड युनिभर्स २०१७ प्रतियोगितामा ३५ राष्ट्रका प्रतियोगीलाई पछाडि पार्दै उक्त उपाधि हात पार्न सफल भएकी हुन् । प्रतियोगितामा सहभागी हुँदा आफूमा निकै परिवर्तन भएको बुढाथोकीको भनाई छ ।

काठमाडौंको बालुवाटारस्थित जोन डेवे स्कूल कक्षा ५ मा अध्ययनरत १० वर्षीया बुढाथोकी यसअघि नेपालमै सम्पन्न लिटिल प्रिन्स एण्ड प्रिन्सेस–२०१७ मा सेकेण्ड रनर अप भइसकेकी छन् ।

अन्तर्राष्ट्रिय स्तरको प्रतियोगितामा सहभागी हुन पाउँदा आफ्नो आत्मविश्वास बढेको बताउने विशेषता भविष्यमा डाक्टर बनेर सेवा गर्ने लक्ष्यसमेत बोकेकी छन् ।

पछिल्लो समय बालबालिकाहरूको प्रतिभा प्रष्फुटनका लागि आयोजना हुने अन्तर्राष्ट्रिय प्रतियोगितामा नेपाली बालबालिकाहरूको सहभागिता पनि बाक्लिँदै गइरहेको छ ।