काठमाडौं, जेठ ३० ।
बलिउड नायक शाहिद कपुर आजभोलि आफ्नो धर्मपत्नी मीरा कपुरलाई फिटनेसका लागि टिप्स दिने गरेका छन् । शाहिद र मीरा हरेक दिन एकसाथ जिम क्लबमा शारीरिक व्यायामका लागि जाने गरेका छन् । यो कुनै नौंलो कुरा थिएन तर शाहिद र मीरा जाने जिम क्लबमा करिना कपुर खान पनि सोही जिम क्लबमा देखेपछि यसले उनका फ्यानहरूलाई मनमा उत्सुकता जगाएको छ ।

हिजो मात्र जिम क्लबबाट बाहिर निस्किरहेको अवस्थामा यी तिनै जनालाई क्यामरामा कैद गरेको फोटो सार्वजनिक भएसँगै दर्शकहरू अचम्ममा परेका हुन् । सार्वजनिक भएको उक्त फोटो अहिले सामाजिक सञ्जालमा भाइरल हुनुका साथसाथै उक्त फोटोलाई हेरेर यो अनुमान पनि लगाउन सकिन्छ की आजभोलि मीरा आफ्नो फिटनेसलाई लिएर धेरै सजग भइसकेकी छन् ।

करिना कपुर खानले एक बच्चालाई जन्म दिएको समयदेखि योगा र जिममा समय बिताइरहेकी छन् । करिना यो महिनादेखि नै ‘वीर द वेडिङ्ग’ फिल्ममा व्यस्त रहने भएकी छन् ।

लामो समयसम्मको सम्बन्धमा रहेका शाहिद र करिना कुनै पनि सार्वजनिक कार्यक्रममा जम्काभेट होला की भन्ने डरले कहिले कतै सँगै नदेखिने यी दुई बलिउड स्टारहरू अहिले एकै स्थानमा जिम क्लब धाइरहेका छन् ।
शाहिद कपुर अब छिट्टै ‘पद्यमावती’ फिल्ममा देखा पर्दैछन् ।