काठमाडाैं, असार ४ ।
भर्खरै सम्पन्न च्याम्पियन्स ट्रफीमा भारतले नराम्राेसँग हार बेहोरेको छ । भारतले प्रतियोगिताको अन्तिम खेलमा पाकिस्तानले अघि सारेको तीन सय ३९ रनको विशाल स्कोर भेटाउन सकेन ।

टस हारेर सुरुमा ब्याटिङ रोजेको पाकिस्तानले निर्धारित ५० ओभरमा ४ विकेट गुमाएर तीन सय ९९ रनको विशाल स्कोर भारत सामु प्रस्तुत गरेका थिए। भारतले भने आफ्ना सबै विकेट गुमाएरसमेत साे लक्ष्य पूरा गर्न सकेन । संघर्षपूर्ण खेलमा भारत लज्जाष्पद रूपमा एक सय रनले आउट हुन पुग्यो ।

भारतका लागि पहिलो ओभरमा नै रोहित शर्मा आउट भएपछि हारको श्रृंखला सुरु भएको थियो । शर्मासँगै कप्तान कोहली, उत्कृष्ट ब्याट्समान युवराज सिंह, शिखर धवन, महेन्द्र सिंह धोनी आउट भएका थिए । २० ओभर नपुग्दै भारतले ६ विकेट गुमाइसकेको थियो । त्यसपछि बलरहरूको सहारामा खेल्न थालेको भारतका बलरहरूले समेत लक्ष्यमा पुर्याउन सकेनन् । २८ औँ ओभरमा आश्विनसमेत आउट भएपछि भारत निरीह बनेको थियो ।

पाकिस्तान र भारतबीचको खेल क्रिकेट प्रतियोगितामा मात्रै सीमित हुँदैन । बरु यो खेलका माध्यमबाट भारतीय समाजमा पाकिस्तानविरुद्धको जनमत निर्माण गर्ने काम भएको हुन्छ । तर, आजको खेलमा पाकिस्तानले जुन उत्कृष्तताका साथ खेल खेल्दै भारतमाथी विजय प्राप्त गर्यो, त्यसबाट भारतीय जनताहरूले भारत पाकिस्तान सम्बन्धलाई राजनीतिकरण गर्नेहरूसँग सावधान हुनुपर्ने सन्देश दिएको छ ।

भारतलाई हराएपछि पाकिस्तानमा भने दीपावली गरिएको छ । इस्लामावाद, कराँची, लाहौर जस्ता शहरमा ठूलो उत्सव नै मनाइएको छ । भारतले जहिल्यै पनि पाकिस्तानलाई हेप्दै आएको अवस्थामा क्रिकेटमा भारत हारेपछि पाकिस्तानी जनताले स्वतःस्फूर्त रूपमा दीपावली गरेका हुन् ।