काठमाडौं, असार ५ ।
उन्नाईस वर्षमुनिको आईसीसी यू–१९ विश्वकप क्रिकेट छनौटअन्तर्गत जुलाई महिनामा सिंगापुरमा हुने खेलका लागि १८ सदस्यीय खेलाडीको टोली घोषणा गरिएको छ ।

प्रतियोगितामा जानुअघि टोलीबाट १४ खेलाडीलाई अन्तिम टोलीमा समेटिने छ भने ४ खेलाडी वैकल्पिक खेलाडीका रूपमा रहनेछन् ।
चार टोलीको सहभगिता रहने उक्त प्रतियोगिता १६ देखि २५ जुलाईसम्म सिंगापुरमा खेलिनेछ । नेपालसँगै अफगानीस्तान.मलेसिया र आयोजक सिंगापुरले विश्वकपको १ स्थानका लागि प्रतिस्पर्धा गर्नेछन् ।

४० सदस्यीय प्रारम्भिक टोलीको छनोट गतवर्ष सम्पन्न ट्यालेन्ट हन्ट, सुपर लिग खेलका साथसाथै नेपालमा आयोजित राष्ट्रिय खेलकुद र अन्य प्रतियोगिताको आधारमा गरिएको थियो भने त्यसपछि भएको सुपर लिग खेलका आधारमा १८ खेलाडी छानिएका हुन् ।

छनौट कमिटीमा आईसीसी एसियाका चिफ डेभेलप्मेन्ट अफिसर भेन्कटपति राजु, राष्ट्रिय टोलीका प्रशिक्षक जगत टमाटा र यू–१९ टोलीका मुख्य प्रशिक्षक बिनोद कुमार दास रहेका छन् । यू–१९ टोलीको प्रशिक्षण सोमबारदेखि सुरु हुनेछ ।

१८ सदस्यीय खेलाडीको प्रारम्भिक टोली
१. सन्दिप लामिछाने
२. अनिल कुमार साह
३. किशोर महतो
४. सुशान्त सिंह थापा
५. विक्रम कुमार भुसाल
६. प्रकाश केसी
७. पवन शर्राफ
८. सन्दिप जोरा
९. रिजन ढकाल
१०. प्रनित थापा मगर
११. साहब आलम
१२. रसिद खान
१३. आशिफ शेख
१४. सन्दिप सुनार
१५. ललित नारायण राजबंशी
१६. रोहित कुमार पौडेल
१७. आदील खान
१८. दिपेन्द्र सिंह ऐरी