काठमाडौं, असार ६ ।
घरमा हामीले पूजापाठ गर्दा होस् या मन्दिरमा पुजारीले पूजा गर्ने समयमा अनिवार्य रूपमा शंख बजाउने गरिन्छ । हिन्दू शास्त्रमा शंखको महत्व धेरै रहेको छ । पूजापाठ गर्ने समयमा शंख बजाउँदा सकारात्मक ऊर्जा फैलिने शास्त्रमा उल्लेख गरिएको छ ।

के तपाईंहरूले यो कुरामा ध्यान दिनुभएको छ ? शंख बजाउँदा स्वास्थ्यमा यसले सकारात्मक फाइदा गर्छ । शंख बजाएर हामीले आफ्नो स्वास्थ्यमा धेरै लाभ लिन सकिन्छ के–के फाइदा हुन्छ यसले ?

शंख बजाउँदा रेक्टल मसल्स खुम्चाउन र फुकाउन मद्दत गर्छ । त्यसले गर्दा व्यायाम हुन्छ । ग्यास्ट्रिक र पेटसम्बन्धी समस्यामा कमी ल्याउँछ ।
शंख बजाउँदा चेष्टको मसल्समा तरङ्ग उत्पन्न गराउँछ । घाँटीमा रहेको मसल्सको पनि व्यायाम हुन्छ । भोकल कार्ड र थाइरायडसम्बन्धी समस्यालाई पनि फाइदा गर्छ ।

दिमाग र पूरै शरीरमा रक्तसञ्चार छिटोछिटो गराउँछ । कपाल झर्ने समस्यालाई पनि कम गराउँछ ।

अनुहारमा भएका मांशपेशीको पनि व्यायाम हुने र रक्तसञ्चार गराउने भएर चाउरीपनमा कमी ल्याउन मद्दत गर्छ ।

शंखमा रातभरी राखिएको पानीले बिहानपख सधैँ अनुहार वा छालाको मसाज गरेमा छालासम्बन्धी रोगहरू निको भएर जान्छ भने नुहाएपछि शंखको पानीले छालामा मसाज गर्दा स्किन ग्लो भएर आउँछ ।

रातभरी राखेको पानीमा गुलाब जल मिसाएर कपाल पखाल्यो भने कपाल कालो, नरम र घना बाक्लो हुन्छ ।

शंखमा रातभरी राखेको पानीमा साधा पानी मिसाएर आँखा पखालेमा आँखा स्वस्थ र सफा हुन्छ । रातभरी राखिएको पानी बिहान उठेर तीन चम्चा खाली पेटमा खायो भने पनि पेट सफा बनाएर कब्जियत समस्या कम गराउँछ ।

शंख बजाउँदा प्रोस्टेट मसल्स, युरिनरी ब्लैडरको व्यायाम पनि हुन्छ ।