काठमाडौं, फागुन ९ ।
वर्तमान सरकारले स्थानीय तहको संख्या बढाउने निर्णय गरेको छ । प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको मन्त्रिपरिषद्को बैठकले सामान्य प्रशासन मन्त्री हितराज पाण्डे नेतृत्वको सुझाव समितिले दिएको प्रतिवेदन स्वीकार गर्दै विज्ञहरुसँग छलफल गरेर तराईका जिल्लामा स्थानीय तहको संख्या बढाउन सुझाव दिएको छ ।

बैठकले समितिलाई सात दिनभित्र प्रतिवेदनलाई पूर्णता दिन आग्रह गरेको छ । बैठकले संविधान संशोधन प्रस्ताव अघि बढाउने निर्णय गरेको छ ।

मंगलबार बस्ने भनिएको संसद् बैठकमा संशोधन प्रस्ताव अघि बढाउने निर्णय गरेका छन् । स्थानीय चुनावको मिति घोषणाका लागि बसेको भनिएको बैठकले त्यसबारे भने निर्णय गर्न सकेन । आजै दिउँसो २ बजे बस्ने मन्त्रिपरिषद् बैठकले राजदूत नियुक्तिको सिफारिस गर्ने र साँझ ६ बजे बस्ने बैठकले चुनावको मिति घोषणा गर्ने बताइएका छन् ।