काठमाडाैं, जेठ २३ ।
विराटनगरमा सीटी सफारी चार्ज गर्न बनाइएको चार्जिङ स्टेशनमा करेन्ट लाग्दा एक जनाको मृत्यु भएको छ ।

प्रहरीकाअनुसार करेन्ट लागेर रंगेली नगरपालिका-६ का ३५ वर्षीय मनोज यादवको मृत्यु भएको हो । विराटनगर महानगरपालिका-८ हाटखोलामा रहेको स्टेशनमा सीटी सफारी (ई–रिक्सा) चार्ज गर्ने क्रममा यादवलाई बिहीबार दिउँसो ३ः१५ बजेतिर करेन्ट लागेको थियो ।

उनको घटनास्थलमै मृत्यु भएको प्रहरीले जनाएको छ । शवलाई पोस्ट मार्टमका लागि कोशी अस्पताल लगिएको छ । उक्त चार्जिङ स्टेशन कमलदेव यादवले सञ्चालन गरेका थिए । घटनाको थप अनुसन्धान भइरहेको प्रहरीले जनाएको छ ।