काठमाडौं, असार ९ ।
नेपालकी लक्ष्मी मगर श्रीलङ्कामा सम्पन्न भएको ‘श्रीलङ्का होलिडेज रम्बल इन द जङ्गल २०१७’ मा पहिलो भएका छन् ।

श्रीलङ्कन एयरलाइन्सद्वारा आयोजित चारदिने माउन्टेन बाइक स्टेज रेसमा कुल २० घन्टा, २० मिनेट १८ सेकेन्ड समय खर्चंदै मगर पहिलो भएको राष्ट्रिय खेलकुद परिषद् (राखेप)ले जनाएको छ ।

त्यस्तै, उक्त प्रतियोगितामा अस्ट्रेलियाकी तानिया थाइरोन र फ्रान्सकी क्लेयर डरमारक्वेट क्रमशः दोस्रो र तेस्रो भएका छन् । तानियाले कुल २१ घन्टा, ८ मिनट ३ सेकेन्ड समय खर्चियो भने क्लेयरले २१ घन्टा ३९ मिनट ११ सेकेन्ड समय लगाएका थिए ।