काठमाडौं, असार २० ।
भारतमा जारी रहेको १९ वर्षपुनिको विश्वकप छनौट खेलमा नेपाली टोलीले भारतको फ्रेण्ड स्पोर्टस् एकेडेमी नोयडाको टीमलाई दुई सय ५१ रनको लक्ष्य दिएको छ ।

उक्त खेलमा फ्रेण्ड स्पोर्टस् एकेडेमीले टस हारेर पहिले ब्याटिङ गरेको नेपालले निर्धारित ४० ओभरमा ७ विकेट जाँदा दुई सय ५० रन बनाएको थियो । नेपालका अनिल साहले ५० र प्रनित थापाले ८७ रन बनाएका थिए । यस्तै दिपेन्द्रसिंह ऐरीले ४४, आदिल खान १३, सन्दिप सुनार १० र आसिफ शेख शून्यमा आउट भए । रोहित पौडेलले २३ रन बनाए ।

१९ वर्षमुनिको विश्वकप छनौट आगामी साउन १ गतेदेखि १० गतेसम्म सिंगापुरमा हुने भएको छ । छनौटमा नेपालसहित आयोजक सिंगापुर, मलेसिया र अफगानिस्तानले डबल राउण्ड रोबिनका आधारमा खेल्ने छन् । शीर्ष टोली न्यूजिल्याण्डमा हुने १९ वर्षमुनिको विश्वकपका लागि छनौट हुने छन् ।