लमजुङ, असार २३ ।
असारे झरी सँगै लमजुङमा अन्तर विद्यालय कोकोकोला फुटबल प्रतियोगिता सुरु भएको छ । विद्यार्थीहरूको अन्तरनिहित प्रतिभालाई प्रस्फुटन गर्नको लागि प्रतियोगिताको आयोजना गरिएको जनाएको हो ।

आजदेखि सुरु भएको प्रतियोगितामा जिल्लाभरका विद्यालयहरूबाट छात्रतर्फ १६ टिम र छात्रातर्फबाट ६ टिम सहभागी भएको जिल्ला फुटवल संघ लमजुङका अध्यक्ष विश्व पौडेलले जानकारी दिएको छ ।

उनका अनुसार सहजी खेल मैदानमा सुरु भएको सो प्रतियोगितामा छात्रतर्फ प्रथम हुने टिमलाई नगद २५ हजार, दित्तियलाई १५ हजार र छात्रातर्फ प्रथम हुने टिमलाई नगद ५ हजार पुरस्कार दिइनेछ ।

प्रतियोगिता जिल्ला फुटबल संघ लमजुङको आयोजनामा भएको हो ।