काठमाडौं, असार २६ ।
दक्षिण अफ्रिका विरुद्धको पहिलो टेष्ट क्रिकेटमा इङ्गल्याण्ड दुई सय ११ रनले विजयी भएको छ । इङ्गल्याण्डको लर्ड्स मैदानमा भएको टेष्टमा चौथो दिन जितको लागि तीन सय ३१ रनको लक्ष्य पछ्याएको दक्षिण अफ्रिकाले एक सय १९ रन मात्रै बनाउन सक्यो ।

दोस्रो ईनिङमा दक्षिण अफ्रिकाका टेम्भा बभुनाले २१ रन जोड्नु बाहेक अन्य कुनैपनि ब्याट्सम्यानले २० रन पनि जोड्न सकेनन् ।
दक्षिण अफ्रिकालाई सस्तैमा समेट्न इङ्गल्याण्डका मोइन अलीले ६ विकेट लिए ।

यसअघि पहिलो इनिङमा दक्षिण अफ्रिकामाथि ९७ रनको अग्रता लिएको इङ्गल्याण्डले दोस्रो ईनिङमा दुई सय ३३ रन बनएपछि दक्षिण अफ्रिकाले तीन सय ३१ रनको लक्ष्य पाएको थियो ।