भारतविरुद्ध खेलेको वेस्ट इन्डिजकाे ९ विकेटको सानदार जित हासिल

प्रकाशित मिति: २६ असार २०७४, सोमबार १२:४९


काठमाडौं, असार २६ ।
भारतविरुद्धको एक दिवसिय श्रृखंला गुमाएको वेस्ट इन्डिजले टि–ट्वान्टी अन्तर्राष्ट्रिय क्रिकेटमा ९ विकेटको सानदार जित हासिल गरेको छ । एक सय ९१ रनको लक्ष्य पछ्याएको वेस्ट इन्डिजले इभिन लेविसको सानदार अविजित शतकको सहयोगमा ९ बलअघि नै एक सय ९४ जोडेर एक मात्र टि– ट्वान्टी क्रिकेटमा भारतमाथि जित दर्ता गरेको थियो ।

ओपनर लेविसले पहिलो विकेटका लागि क्रिस गेलसँग ८२ र दोस्रो विकेटका लागि मार्लोन सामुइल्ससँग एक सय १२ रनको अविजित साझेदारी गरेका थिए । मात्र ६२ बल खेलेका लेविसले १२ छक्का र ६ चौकाको मद्दतमा अविजित एक सय २५ रन बनाएर उनी खेलको म्यान अफ दी म्याच बने ।

सामुइल्सले २९ बलमा ५ चौका र एक छक्काका साथ अविजित ३६ रन जोडे । त्यसअघि गेलले २० बलमा एक चौका र एक छक्काका साथ १८ रन लिए । भारतका लागि एक मात्र विकेट कुलदिप यादवले लिएका थिए ।

त्यसअघि टस हारेर ब्याटिङ गरेका भारतले निर्धारित २० ओभरमा ६ विकेट गुमाएर एक सय ९० रन बनाएको थियो । टोलीमा कुनै पनि खेलाडीले अर्धशतक पुरा गर्न सकेनन् । सबैभन्दा बढी दिनेश कार्तिकले ४८ रन जोडे । उनले २९ बलमा ५ चौका र ३ छक्का प्रहार गरे । ओपनर समेत रहेका कप्तान विराट कोहलीले पहिलो विकेटका लागि शिखर धवनसँग ६४ रनको साझेदारीगरेका थिए ।

कोहली २२ बलमा ७ चौका र एक छक्काका साथ ३९ तथा धवन १२ बलमा ५ चौकासहित २३ रन बनाए । रिसब पन्तले ३५ बल खेल्दै २ चौका र एक छक्काको मद्दतमा ३८ रन जोडे । रविन्द्र जडेजा १३ र रविचन्द्रन आश्विन ११ रनमा अविजित रहे । पूर्व कप्तान महेन्द्रसिंह धोनीले २ र केदार जादवले ४ रन मात्र बनाउन सके । वेस्ट इन्डिजका जेरोमी टेलर र किसऋक विलियम्सले समान २ तथा सामुइल्सले १ विकेट लिए ।


प्रतिक्रिया

ताजा खबर

More

समाजलाई ऊजागर गरी विकृति र विसंगतिविरुद्ध आवाज उठाउन आवश्यक : डा. पुष्पराज राजकर्णिकार (फाेटाेफिचर)

काठमाडाैं, चैत २३ । नेपालभाषा एकेडेमीका भाइस चान्सलर, साहित्य समालाेचक एवं नेपाल राष्ट्र.....

पपुवा न्यू गिनीना ७.१ रेक्टर स्केलको शक्तिशाली भूकम्प

एजेन्सी, चैत २३ । पपुवा न्यू गिनीको.....