काठमाडौं, असार २६ ।
पेटमा हुने रेट्रोपोरिटोनियल टोराटोमा ट्युमर भएर शल्यक्रिया गरिएकी प्यूठान घर भएकी दश वर्षीया शिला नेपालीको मृत्यु भएको छ ।

कान्तिबाल अस्पतालले गत मंगलबार शल्यक्रिया गरी पेटबाट ७ केजीको ट्युमर निकालेको थियो । सफल शल्यक्रिया भएको भन्दै चिकित्सक टोलीले पत्रकार सम्मेलन गरेकोे तीन दिनपछि बिरामीको मृत्यु भएको हो ।

बिरामीको अवस्था सुधारोन्मुख रहेपनि परिवारले ‘डिस्चार्ज’ माग गरेर घर लैजाँदै गर्दा शुक्रबार मृत्यु भएको डा. आरपी चौधरीको दाबी छ ।

तर, अहिले बिरामीको मृत्यु भएपछि अस्पतालकै एक चिकित्सकले भने बिरामीको अवस्था नसुध्रेकैबेला पत्रकार सम्मेलन गरेर झुटो सूचना दिएको भन्दै निर्देशक डा. गणेश राईले असन्तुष्टि जनाएका थिए ।