एजेन्सी, असार २७ ।
संसारमा थरी–थरीका वाइन पाइन्छ । वाइन ठीक्क मात्रामा सेवन गरेमा औषधिको रूपमा समेत लिइन्छ । वाइन नेपालमा पनि उत्पादन हुन्छ र विदेशमा समेत अायात गरिन्छ । तर, यहाँ हामीले प्रस्तुत गर्न लागेको वाइन नेपालमा उत्पादित गरेको नभई विदेशमा उत्पादन गरिएको वाइन अर्थात ‘स्नेक वाइन’ जुन सर्पको मासु र रगतबाट बनेको हुन्छ ।

हुनतः सर्प भन्ने बित्तिकै कैयौं मानिसको जिउ सिरिङ हुन्छन् तर, त्यहीँ सर्पको वाइन जहाँ बढी चलनचल्तीमा रहेको छ । भियतनाममा विषालु ‘सर्पको वाइन’ बनाइन्छ र बिक्री वितरणसमेत हुन्छ । जसको नाम नै ‘स्नेक वाइन’ राखिएको छ ।

यो वाइन बनाउनका लागि सुरुमा सर्पलाई लामो समयसम्म चामलको वाइन वा अल्कोहलमा डुबाएर राखिन्छ । यो स्वास्थ्यका लागि धेरै फाइदाजनक मानिन्छ । अल्कोहलमा डुबाएर राख्दा सर्पमा भएको विष हराउँछ । यसो गर्दा मानव शरीरलाई हानी पुर्‍याउँदैन । ‘स्नेक ब्लड वाइन’ बनाउनका लागि सर्पको पेट चिरेर उसको रगत सिधैँ अल्कोहलमा मिसाइन्छ ।

सर्पको वाइन बनाउने चलन पहिलो पटक चीनबाट सुरुवात गरिएको हो । चीनको वेस्टर्न झोउ प्राविन्स ७७७ बिसी मा पहिलो पटक बनाइएको थियो । यसलाई परम्परागत चाइनिज मेडिसिनको रूपमा पनि लिने गरिन्छ । चाइनिजहरूकाअनुसार यस्तो वाइन अर्थात विषमा मानिसहरूको उपचारमा निकै सहयोगी हुने उनीहरूको भनाई छ ।