ललितपुर, असार २७ ।
युएईमा आगामी शनिबारदेखि हुने एएफसी च्याम्पियनशीप छनौट चरणको तयारीमा रहेको नेपाल र बंगलादेशबीच खेल सम्पन्न भएको छ ।

ललितपुरको सातदोबाटोस्थित एन्फाको फुटबल मैदानमा खेलाइएको उक्त मैत्रीपूर्ण खेलमा नेपालले बंगलादेशलाई १ विरुद्ध शून्य गोलले पराजित गरेको छ ।

एएफसी यू–२३ च्याम्पियनशीपको तयारीमा रहेको नेपालले बंगलादेशविरुद्ध अग्रता लिएको छ । पहिलो हाफको १९ औँ मिनेटमा कप्तान सम्हालेका विमल घर्तीमगरले गोल गर्दै अग्रता लिएको गोल नै निर्णायक गोलमा परिणत भएको थियो । अञ्जन बिष्टले क्रस गरेर दिएको बललाई कप्तान घर्तीमगरले गोलमा परिणत गर्न सफल भएको थियो ।

कप्तान घर्तीमगर घाइते भएपछि उनकाे स्थानमा विश्वास श्रेष्ठलाई कप्तानकाे रूपमा स्थान दिएकाे थियाे ।