ब्रिटिश टेनिस खेलाडी एन्डी मरे विम्बल्डन क्वार्टरफाइनलबाट बाहिरिए

प्रकाशित मिति: २९ असार २०७४, बिहीबार १२:१६


काठमाडौं, असार २९ ।
विश्व नम्बर एक ब्रिटिश टेनिस खेलाडी एन्डी मरे विम्बल्डन टेनिसको क्वार्टरफाइनलबाटै बाहिरिएका छन् ।

साविक विजेता मरे २४ औं वरियताका अमेरिकन खेलाडी साम क्वरेसँग पराजित भएका हुन् ।

तीन सेट सकिंदा २–१ ले अघि रहेको अवस्थामा पछिल्ला दुई सेट लगातार गुमाउँदै मरे प्रतियोगिताबाट बाहिरिएका हुन् ।

मरे विरुद्धको खेल क्वेरेले ३–६, ६–४, ६-७, ६–१ र ६–१ को सोझो सेटमा जिते । यो खेल हारेसँगै ब्रिटिश खेलाडी मरेले शीर्ष वरियता गुमाउने सम्भावना बढेको छ ।

विम्बल्डन टेनिसकै अर्को खेलमा क्यानाडाका मिलोस राओनिकलाई हराँउदै स्विट्जरल्याण्डका रोजर फेडेरर पनि सेमिफाइनलमा पुगेका छन् ।

राओनिक विरुद्धको खेल फेडेररले ६–४, ६–२ र ७–६ ले जितेका हुन् । यसैगरी लक्जेम्बर्गका जायल्स मुलरलाई हराँउदै क्रोएशियाका मारिन सिलिच र सर्वीयाका नोभाक जोकोभिचलाई हराँउदै चेक गणतन्त्रका टामस बर्डीच पनि सेमीफाईनलमा पुगेका छन् ।

बर्डीच विरुद्धको दोस्रो सेट चलिरहँदा चोटका कारण जोकोभिचले खेल छाडेपछि बर्डीच सेमिफाइनलमा पुगेका हुन् ।


प्रतिक्रिया

ताजा खबर

More

समाजलाई ऊजागर गरी विकृति र विसंगतिविरुद्ध आवाज उठाउन आवश्यक : डा. पुष्पराज राजकर्णिकार (फाेटाेफिचर)

काठमाडाैं, चैत २३ । नेपालभाषा एकेडेमीका भाइस चान्सलर, साहित्य समालाेचक एवं नेपाल राष्ट्र.....

पपुवा न्यू गिनीना ७.१ रेक्टर स्केलको शक्तिशाली भूकम्प

एजेन्सी, चैत २३ । पपुवा न्यू गिनीको.....