७ पुस, काठमाडौं । बार्यन म्युनिखले बुन्डेसलिगामा आरबी लाइपजीगमाथि महत्वपूर्ण जित हात पारेको छ । र, विन्टर ब्रेक अगाडि ३ अंकको प्रष्ट अग्रता लिएको छ ।

बुधबार राति भएको खेलमा बार्यन म्युनिखले १० खेलाडीमा सिमित लाइपजीगलाई ३–० गोल अन्तरले पराजित गरेको हो । घरेलु मैदानमा भएको खेलमा बार्यनले १७ औं मिनेटमा थिएगोको गोलबाट अग्रता लिएको थियो ।

२५ औं मिनेटमा जाभी एलोन्सोले गोल गर्दै बार्यनको अग्रता दोब्बर पारे । खेलको ३० औं मिनेटमा नै फोसबर्गले रातो कार्ड पाए र १० खेलाडीमा सिमित हुन पुग्यो ।