काठमाडौं, १५ फागुन ।
स्थानीय तह निर्वाचनका लागि अपुग मतपेटिका भारतबाटै ल्याउने भएको छ । त्यस्तै जापान सरकारसँग पनि मतपेटिकाको बारेमा कुरा भइरहेको जनाएको छ ।

आयोगसँग हाल भएका मतपेटिका बाहेक थप २५ हजार मतपेटिका चाहिने आयोगको अनुमान रहेको छ । निर्वाचन आयुक्त नरेन्द्र दाहालकाअनुसार आयोगसँग करिब ४० हजार थान मतपेटिका छन् । तीमध्ये थोरै मात्र ८० लिटर क्षमताका छन् ।

स्थानीय तहको चुनावका लागि मतपत्रको आकार वृद्धि हुने भएकाले साना मतपेटिका प्रयोगमा ल्याउन नसकिने आयोगले जनाएको छ ।