मड्रिडका स्ट्राइकर मोराटा कीर्तिमानी मूल्यमा चेल्सीमा अनुबन्ध

प्रकाशित मिति: ७ श्रावण २०७४, शनिबार ०६:३८


काठमाडौं, श्रावण ७ ।
इङ्गलिस प्रिमियर लिग च्याम्पियन चेल्सीले स्पेनिस च्याम्पियन रियल मड्रिडका स्ट्राइकर अल्भारो मोराटालाई कीर्तिमानी मूल्यमा चेल्सीमा अनुबन्ध गरेको छ ।

चेल्सीले मोराटालाई क्लबको कीर्तिमानी मूल्य छ करोड पाउण्ड स्ट्रर्लिङमा अनुबन्ध गरेको हो । स्पेनिस मोराटाले गएको सिजन च्याम्पियन्स लिग तथा ला लिगा च्याम्पियन रियल मड्रिडका लागि २० गोल गरेका थिए । उनी गएको सिजन इटालियन क्लब युभेन्टस्बाट आफ्नो पुरानो क्लब रियल मड्रिड फर्किएका हुन् ।

उनले गएको सिजन रियललाई महत्वपूर्ण जित दिलाउन भूमिका खेले पनि उनी धेरै जस्तो खेलमा थप खेलाडीको रूपमा मैदान छिरेका थिए । मोराटा अब चेल्सीको प्रि–सिजन एशिया भ्रमण टीममा सहभागी हुने सम्भावना छ । चेल्सीले यसअघि सन् २०११ को जनवरीमा फर्नाण्डो टोरेसलाई क्लबको कीर्तिमानी मूल्यमा अनुबन्ध गरेको थियो । त्यसबेला लिभरपुलबाट टोरेसलाई क्लबमा भित्र्याउन चेल्सीले पाँच करोड पाउण्ड तिरेको थियो ।

अल्भारो मोराटा उत्कृष्ट खेलाडी रहेको र उनको क्षमता क्लबका लागि ठूलो सहायता सिद्ध हुने चेल्सीका प्राविधिक निर्देशक माइकल इमेनालोले बताए । मोराटाले चेल्सीमा स्पेनिस टीमका साथी खेलाडी डिएगो कोस्टालाई प्रतिस्थापन गर्ने सम्भावना छ । प्रशिक्षक एन्टोनियो कोन्टेले चेल्सीमा कोस्टाका लागि ठाउँ नरहेको बताइसकेका छन् ।

मोराटालाई अनुबन्ध गर्न म्यानचेस्टर युनाइटेडले पनि चासो देखाएको थियो । तर, उसले एभर्टनबाट रामेलु लुकाकुलाई अनुबन्ध गरिसकेको छ ।


प्रतिक्रिया

ताजा खबर

More

समाजलाई ऊजागर गरी विकृति र विसंगतिविरुद्ध आवाज उठाउन आवश्यक : डा. पुष्पराज राजकर्णिकार (फाेटाेफिचर)

काठमाडाैं, चैत २३ । नेपालभाषा एकेडेमीका भाइस चान्सलर, साहित्य समालाेचक एवं नेपाल राष्ट्र.....

पपुवा न्यू गिनीना ७.१ रेक्टर स्केलको शक्तिशाली भूकम्प

एजेन्सी, चैत २३ । पपुवा न्यू गिनीको.....