एसियाली युवा तथा जुनियर भारत्तोलन च्याम्पियनसिपको उद्घाटन आज
काठमाडौं, श्रावण ८ ।
एसियाली युवा तथा जुनियर भारत्तोलन च्याम्पियनसिपको उद्घाटन आज हुँदैछ । लगनखेलमा रहेको नेपाली सेनाको शारीरिक तालिम तथा स्पोर्टस कम्प्लेक्समा प्रतियोगिताको उद्घाटन आज भएपनि प्रतिस्पर्धा भने सोमबारदेखि सुरु हुने आयोजक नेपाल भारत्तोलन संघले जनाएको छ ।
प्रतियोगितामा ३२ देशका तीन सय सात जना खेलाडीहरूले विभिन्न तौल समुहमा प्रतिस्पर्धा गर्ने भएका छन् । प्रतियोगितामा नेपालका १३ जना खेलाडीले प्रतिस्पर्धा गर्नेछन् ।
प्रतिक्रिया