काठमाडौं, श्रावण ८ ।
क्रिष्टियानो रोनाल्डो रियल मड्रिडमै रहने प्रशिक्षक जिनेदिन जिदानले बताएका छन् । स्पेनिस क्लब रियल मड्रिडका स्ट्राइकर रोनाल्डो इंग्लिस क्लब म्यानचेस्टर युनाइटेड जाने हल्ला चलिरहेका बेला रियलका प्रशिक्षक जिदानले रोनाल्डो कम्तिमा दुईदेखि तीन वर्षसम्म क्लबमै रहने बताएका हुन् ।

प्रिसिजन मैत्रिपूर्ण खेलअन्तर्गत युनाइटेडसँगको खेलको पूर्व सन्ध्यामा अमेरिका, क्यालिफोर्नियाको लस एन्जल्समा प्रशिक्षक जिदानले रोनाल्डो क्लबमै रहने बताएका हुन् । रोनाल्डो अहिले बिदामा छन् । उनी अगष्ट ५ मा फर्किने छ ।

प्रशिक्षक जिदानले भने ‘रोनाल्डोले क्लब छोड्न चाहेको विषयमा धेरै कुरा आएका छन् । तर मैले जहिले पनि उनीसँग कुरा गर्दा उनी रियलमा रहन चाहेको पाएको छु । उनी रियलबाटै अझै केही गर्न चाहन्छन् ।’