काठमाडौं, श्रावण ९ ।
आईसीसी महिला क्रिकेट विश्वकपको उपाधि इङ्गल्याण्डले हात पारेको छ । आइतबार इङ्गल्याण्डको लर्ड्समा भएको फाइनल खेलमा भारतलाई ९ रनले पराजित गर्दै इङ्गल्याण्डले उपाधी हात पार्न सफल भएको हो ।

दुई सय २९ रनको लक्ष्य पछ्याएको भारतले ४८ दशमलव ४ ओभरमा सबै विकेट गुमाएर दुई सय १९ रन मात्रै बनाएपछि इङ्गल्याण्ड ९ रनले विजयी भएको हो । खेलमा भारतका लागि पुनम राउतले ८६, हरमनप्रित कौरले ५१ तथा वेदा कृष्णमुर्तीले ३५ रनको योगदान दिएका थिए । इङ्गल्याण्डका लागि एन्या श्रब्सोलले ६ विकेट लिँदै उपाधी दिलाउन महत्वपूर्ण भूमिका खेलेकी थिइन् ।

यसअघि पहिले ब्याटिङ गरेको इङ्गल्याण्डले निर्धारित ५० ओभरमा ७ विकेटको क्षतिमा दुई सय २८ रन बनाएको थियो । उसका लागि नाटली साइबरले ५१ तथा सारा टेलरले ४५ रन बनाइन् ।