भक्तपुर, श्रावण ९ ।
बाल संरक्षण तथा सम्बद्र्धन उपसमिति साबिकको सूर्यबिनायक नगरपालिका वडा नं. ६ ले वडामा रहेका बाल क्लवहरूलाई खेलकूद सामग्री वितरण गरेको छ । उपसमितिका संयोजक विश्वराम थापाका अनुसार वडामा रहेका ७ बाल क्लवलाई खेलकूद सामग्री तथा दुई बिद्यालयलाई स्मार्ट टिभी बितरण गरिएको हो ।

सूर्यबिनायक नगरपालिका वडा नं. ८ का वडाध्यक्ष किरण थापा र उपसमितिका संयोजक थापाले शान्ति निकेतन मा.वि. र शन्तकृष्ण आ.वि.लाई एक एक थान स्मार्ट टिभी वितरण गरेका थिए ।

यसैगरी चन्द्रबिनायक, हरियाली, राधाकृष्ण, चुनदेवी, गहनादेवी, सेतीदेवी र सूर्योदय बाल क्लवलाई फूटबल, भलिबल, व्याडमिन्टन कर्क, लुडो, क्यारेम वोर्डलगायतका विभिन्न खेल सामग्री संयुक्त रूपमा वितरण गरे ।

सूर्यबिनायक नगरपालिकाबाट एक लाख ८३ हजार र उपसमितिबाट ६० हजार गरी कूल दुई लाख ४३ हजार बराबरको खेल साम्रगी वितरण गरिएको उपसमितिका संयोजक थापाले बताए ।