एजेन्सी, फागुन १६ ।
इस्लामिक स्टेट आईएससँग आबद्ध एक व्यक्ति इण्डोनेशियाली प्रहरीद्वारा मारिएको छ । सरकारी कार्यालयनजिकै राखिएको बम विष्फोटपछि भएको दोहोरो गोली हानाहानमा ती व्यक्ति मारिएको स्थानीय सञ्चारमाध्यमले जनाएका छन् ।

जाभा द्विपको बण्डुङ्ग शहरमा भएको सो घटनामा आईएस आबद्ध व्यक्ति बाहेक अरू कसैको पनि हताहतको खबर नभएको जनाइएको छ । सरकारी कार्यकालको विपरीत दिशामा दोहोरो गोली हानाहान हुनुभन्दा पहिले एक पार्कमा प्रेसर कुकर बम विष्फोट भएको थियो ।

स्थानीय समयाअनुसार घटना बिहान साढे ८ बजे विष्फोट गराइएको थियो । सुरक्षा अधिकारीसँग दोहोरो गोली हानाहानपछि पेटमा गोली लागेर घाइते भएका ती व्यक्ति अस्पतालमा उपचारको क्रममा मृत्यु भएको जनाइएको छ ।

प्रहरीकाअनुसार ती आक्रमणकारी आईएस समर्थक सञ्जाल ‘जमाआह एनशारुत दउलाह’का सदस्य रहेको र सो सञ्जालले मुसलमानको बाहुल्यता रहेको यस देशमा गत वर्ष श्रृङ्खलाबद्ध रूपमा बारम्बार आक्रमण गरेको दाबी गरेका छन् ।