काठमाडौं, फागुन १७ ।
राजधानीको टेकुस्थित शुक्रराज ट्रपिकल तथा सरुवा रोग अस्पतालमा जाँच गराउन गएका एक जना बिरामीमा स्वाइन फ्लु भाइरस फेला परेको छ ।

अस्पतालका सरुवा रोग विशेषज्ञ डा. शेरबहादुर पुनले ती बिरामीको रुघाखोकी निको नभएपछि स्वाइन फ्लुको भाइरस भेटिएको जनाएको छ । कोही पनि बिरामीमा खोकी लागिरहेमा, घाँटी खस्खसाइरहेमा एवं दश दिनसम्म पनि धेरै ज्वरो आइरहेको खण्डमा चिकित्सिककहाँ जान डा. पुनले सुझाव दिएका छन् ।

त्यसैगरी बालबालिकामा ज्वरोसँगै बान्ता हुने पखाला लाग्ने भएमा त्यस्तो लक्षण देखिनेवित्तिकै अस्पताल वा स्वास्थ्य चौकी जान पुनले सुझाव दिएका हुन् ।