एजेन्सी, श्रावण १६ ।
फ्रान्समा रहेको एउटा सडक दिनको जम्मा दुई घन्टा मात्र देखिन्छ । अरू समय यो सडक समुद्रको पानीमा डुबेको हुन्छ ।

समुद्रभित्र बनेको यो सडकले फ्रान्सको मुख्य भू–भागलाई आन्ध्र महासागरको तटमा अवस्थित नोइरमौटीयरसँग जोड्छ ।

जम्मा पाँच किलोमिटर लामो यो सडकको नाम प्यासेज डु गोइस हो । फ्रान्सेली भाषामा गोइसको अर्थ हो, जुत्ता भिजाएर सडक पार गर्नु ।

यो सडकलाई पार गर्न गाह्रो छ किनकि दुई घन्टा खुलेपछि लहर आएर सडकमा पानीको स्तर बढ्न थाल्छ । पानीको गहिराइ चार मिटरसम्म रहेको छ ।