राजविराज, फागुन १८ ।
सप्तरीको राजविराज–५ रुपनी रोडमा पर्ने लक्ष्मी इङ्गलिस बोर्डिङ स्कुल परिसरभित्र बुधबार बिहान बम फेला परेको सप्तरीका प्रहरी उपरीक्षक दिवेश लोहनीले बताएका छ ।

उक्त ठाउँमा फेला परेको बमलाई निष्क्रिय पार्नका लागि राजविराजस्थित कृष्ण गणबाट नेपाली सेना, जिल्ला प्रहरी कार्यालयबाट नेपाल प्रहरी र सशस्त्र प्रहरी त्यहाँ पुगेको प्रहरी उपरीक्षक लोहनीले जानकारी दिएका छन् ।

यसैबीच, बम फेला परेको ठाउँमा जनतान्त्रिक तराई मुक्ति मोर्चा, जयकृष्ण गोइत समूहको पर्चा फेला परेको प्रहरीले जनाएको छ । मङ्गलबार पनि राजविराज–९ स्थित पिसजोन बोर्डिङ स्कुल नजिक बम फेला परेको थियो ।