संसारमा कहिल्यै नमर्ने जीव भेटियो, यथार्थता यस्ताे छ (भिडियो)

प्रकाशित मिति: ७ भाद्र २०७४, बुधबार ११:१०


एजेन्सी, भाद्र ७ ।
हामीले सानैदेखि स्कूलमा पढ्दै आइरहेका कुरा । संसारमा जन्म लिएपछि हरेक प्राणी होस् वा जीवजन्तु या किरा फट्याङ्ग्रा नै किन नहोस् सबैको मृत्यु निश्चित छ । तर, यो कुरालाई बैज्ञानिकहरूले लामो समयको अथक प्रयासपश्चात् मृत्युलाई नै चुनौती दिँदै नयाँ अनुसन्धानबाट यो कुरा पत्ता लगाएका छन् की संसारमा कहिल्यै नपर्ने जीव पनि छन् । यत्ति मात्र नभई त्यो जीवको जन्मजात क्षमतालाई पत्ता लगाई बुझ्न सके भविश्यमा यसले मानिसलाई फाइदा पुग्ने अनुमानसमेत गरेका छन् ।

यत्ति कुरा यहाँ पस्किँदासम्म सबैको मनमा ठूलो कौतुहलता जाग्नु जायज हो र त्यो कुन जीव होला भन्ने जान्न सबै आतुर पनि छन् । हो, त्यो जीवको नाम हो टार्डिग्रेड जसलाई पानीको भालु समेत भन्ने गरिएको छ । अनुसन्धानकर्ताहरूकाअनुसार उक्त जीवका दुई प्रजातिका डीएनए डिकोड गरेर हेर्दा उक्त जीव सबै ठाउँमा कुशलपूर्वक सुरक्षित रूपमा बाँच्न सक्छ ।

यो टार्डिग्रेड सूक्ष्म जीवको आठ वटा खुट्टा रहेको छ । यसले पृथ्वीमा आउने जस्तोसुकै आपत्तमा समेत आफ्नो ज्यान बचाउन सक्षम रहेको अनुसन्धानकर्ताहरूको दाबी रहेको छ ।

अनुसन्धानकर्ताकाअनुसार डीएनए डिकोडको रिपोर्टपछि यो कुराको पत्ता लगाएका छन् की यो जीवले डरलाग्दो खडेरीबाट पनि आफ्नो शरीरलाई बचाई राख्छ र त्यसपछि पुनः जिउँदो हुन्छ ।

पीएलओएस बायोलजी नामक जर्नलमा प्रकाशित रिपोर्टअनुसार सबै ठाउँमा कुशलपूर्वक बाँच्न सक्ने यो जीवलाई पृथ्वीकै सबैभन्दा कडा क्षमता भएको र नमर्ने जीवको रूपमा उल्लेख गरेको छ ।

तर, यो कुरालाई सही मान्न भने कठिन रहेको अर्का बैज्ञानिकहरूको धारणा रहेको छ । जसको वास्तविकता बुझ्न अनुसन्धानलाई थप तीब्रता दिँदै लानु पर्ने जनाएको छ ।


प्रतिक्रिया

ताजा खबर

More