चितवन, फागुन २४ ।
चितवन जिल्ला प्रहरी कार्यालयले पत्रकार सम्मेलनको आयोजना गरी कविलास गाविस–१ जुगेडीबाट भारतीय गाडीमा लुकाएर ल्याउँदै गरेको अवस्थामा ठूलो परिमाणमा लागूऔषध ९९ किलो चरेस बरामद गरेको जानकारी दिएको छ ।

प्रहरीले चरेससँगै गाडीका चालक भारत कठियामठिया–७ का ३७ वर्षीय सुधन साह र रक्सौल कोइरिया टोल–६ का २५ वर्षीय आदित्य साहलाई नियन्त्रणमा लिएको जनाएको छ ।

लागु औषध नियन्त्रण विशेष अभियानअन्तर्गत जिल्ला प्रहरी कार्यालयको ‘इन्टिलिजेन्स’टोली, क्षेत्रीय प्रहरी कार्यालय हेटौँडाको क्षेत्रीय इन्टिलिजेन्स टोली र क्राइम एक्सन प्लान (सिएपी) टोली समेतको संयुक्त प्रहरी टोलीले सोमबार बिहान ५ बजेको समयमा जुगेडीस्थित प्रहरी चेकप्वाइन्टबाट उक्त परिमाणको लागुऔषध बरामद गरेको हो ।