काठमाडौं, माग २५ ।
अन्तर्राष्ट्रिय श्रमिक महिला दिवसको अवसरमा राष्ट्रपति विद्यादेवी भण्डारीद्वारा शुभकामना व्यक्त गरेकी छन् ।

शुभकामना दिँदै राष्ट्रपति भण्डारीले संविधानमा नै महिला हकहितको सुनिश्चितता गरिएको र आवधिक योजना तथा कार्यक्रममासमेत महिला सशक्तीकरण एवं लैङ्गिक समानताका लागि प्राथमिकताका साथ लाग्न आग्रह गरिन् ।

उनले संविधानमा व्यवस्था गरिएको नीतिगत प्रावधान, संस्थागत व्यवस्था गरी कार्यक्रमको थालनीबाट समग्र महिलाहरूको अवस्थामा केही सुधार भएको उल्लेख गर्दै उनले भनिन् ‘विद्यमान सामाजिक परम्परा, धार्मिक अन्धविश्वास एवं पुरुष प्रधान मानसिकताबाट ग्रसित मूल्य मान्यताको प्रभावले महिलाहरू शैक्षिक, सामाजिक एवं आर्थिक रूपले पछि परेबाट पुरुषको तुलनामा महिलाको स्थान कमजोर छ भने उनीहरूको अवस्था दयनीय रहेको पाइन्छ ।’

महिलाहरूको हक अधिकारका साथै सामाजिक, आर्थिक, राजनीतिक तथा सांस्कृतिक विकासका लागि आवाज उठाउने दिनको स्मरण गर्दै उनले प्रत्येक वर्ष ८ मार्चलाई विश्वभर अन्तर्राष्ट्रिय महिला दिवसका रूपमा मनाउने गरिएको बताइन् ।

राष्ट्रपति भण्डारीले संयुक्त राष्ट्र सङ्घले सन् २००० मा घोषणा गरेको सहश्राब्दी विकासका लक्ष्यहरू, संयुक्त राष्ट्रसङ्घको महासभाबाट पारित दीगो विकासका धेरैजसो लक्ष्यमा महिला सशक्तीकरण, समानतासँग सम्बन्धित रहेको र महिला सशक्तीकरण एवं लैङ्गिक समानताका लागि अन्तर्राष्ट्रियस्तरमा भएका घोषणाहरू एवं प्रतिबद्धता हाम्रा संवैधानिक एवं कानूनी व्यवस्था रहेको स्पष्ट पारेकी छन् ।