प्रहरीको स्कर्टिङमा सवारीसाधन चलाइँदै

काठमाडौं, फागुन २५ ।
संयुक्त मधेशी मोर्चाले आव्हान गरेको तराई बन्दका क्रममा नेपाल प्रहरीले स्कर्टिङ गरेर सवारी साधन चलाइएको छ । मोर्चाले बन्द गरेपछि मंगलबार राति पूर्वबाट काठमाडौं भित्रिने तथा बाहिरिने करिब हजारभन्दा बढी सवारी साधन स्कर्टिङ गरेर गन्तव्यमा पठाएको प्रहरीले जनाएको छ । आज भने राजमार्गमा सामान्य रूपमा मात्र सवारी साधन गुडिएको छ ।

सप्तरीमा सोमबार भएको घटनामा तीन जनाको ज्यान गएपछि त्यसको विरोधमा मोर्चाले बन्दको आव्हान गरेको हो । बन्दका कारण मध्य तराई जिल्लाको जनजीवन प्रभावित भएको छ ।